Loading
A B C D E F G H I J K L M N O P Q R S T U V W X Y Z #
А Б В Г Д Е Ж З И К Л М Н О П Р С Т У Ф Х Ц Ч Ш Э Ю Я

Burzum - Galgviðr

4 июля 2012 г. Просмотров: 1748 RSS
B » Burzum
 Sat þar á haugi
 ok sló hörpu
 gýgjar hirðir,
 glaðr Eggþér;
 gól of hánum
 í galgviði
 fagrrauðr hani,
 sá er Fjalarr heitir.
 
 Gól of ásum
 Gullinkambi,
 sá vekr hölða
 at Herjaföðrs;
 en annarr gelr
 fyr jörð neðan
 sótrauðr hani
 at sölum Heljar.
 
 Geyr nú Garmr mjök
 fyr Gnipahelli,
 festr mun slitna,
 en freki renna;
 fjölð veit ek fræða,
 fram sé ek lengra
 um ragna rök
 römm sigtíva.
 
 Bræðr munu berjask
 ok at bönum verðask,
 munu systrungar
 sifjum spilla;
 hart er í heimi,
 hórdómr mikill,
 skeggöld, skalmöld,
 skildir ro klofnir,
 vindöld, vargöld,
 áðr veröld steypisk;
 mun engi maðr
 öðrum þyrma.
 
 Leika Míms synir,
 en mjötuðr kyndisk
 at inu galla
 Gjallarhorni;
 hátt blæss Heimdallr,
 horn er á lofti,
 mælir Óðinn
 við Míms höfuð.
 
 Skelfr Yggdrasils
 askr standandi,
 ymr it aldna tré,
 en jötunn losnar;
 hræðask allir
 á helvegum
 áðr Surtar þann
 sefi of gleypir.
 
 Hvat er með ásum?
 Hvat er með alfum?
 Gnýr allr Jötunheimr,
 æsir ro á þingi,
 stynja dvergar
 fyr steindurum,
 veggbergs vísir.
 Vituð ér enn - eða hvat?
 
 Geyr nú Garmr mjök
 fyr Gnipahelli,
 festr mun slitna
 en freki renna;
 fjölð veit ek fræða,
 fram sé ek lengra
 um ragna rök
 römm sigtíva.
twitter.com facebook.com vkontakte.ru odnoklassniki.ru mail.ru liveinternet.ru livejournal.ru